ROONEY AIPAISHA MANCHESTER UNITED …ARSENAL YAICHINJA SWANSEA, LIVERPOOL YAPIGWA 3-1

MANCHESTER UNITED wamezidi kujikita kileleni mwa Ligi kuu ya Uingereza baada kuibuka na ushindi mwembamba wa 1-0 dhidi ya Reading.

Bao hilo pekee lilikuja dakika ya 23 kupitia kwa Wyane Rooney.

Mpira ulianzia kwa Rio Ferdinand aliyepanda na mpira huku akiichambua ngome ya Reading kabla ya kumpa pasi Rooney aliyepiga mkwaju uliombabatiza Pearce na kwenda wavuni.

Rooney akifunga goli pekee

Dakika ya 48 Reading walinyimwa penalti ya wazi baada ya Vidic kumsukuma Mariappa kwenye kisanduku cha hatari lakini kwa mshangao wa wengi refa Mason akauchuna.

Van Persie akakosa nafasi ya kufunga bao la msimu katika dakika ya 90 baada ya kwenda hewani na kuruka tik tak kuunganisha krosi ya Kagawa lakini shuti lake likaenda pembeni.

Heka heka langoni mwa Reading

Katika michezo mingine Arsenal iliichapa Swansea 2-0 kupitia magoli ya Nacho Monreal na Gervinho.

Liverpool ikafungwa 3-1 na Southampton huku Aston Villa ikiibuka na ushindi wa 3-2 kwa QPR.

Nayo Stoke City ikiwa nyumbani ikatoka sare ya 0-0 na West Bromwich Albion.

Ligi hiyo itaendelea Jumapili hii kati Sunderland na Norwich, Tottenham dhidi ya Fulham, Chelsea ikiikaribisha West Ham huku Wigan ikimenyana na Newcastle.